Bagong Simula... uli

Maraming nagdaan sa buhay ko na akala ko di na ako makakarating pa sa gusto kong puntahan. Siguro kasalanan ko na rin to, dahil masyado na rin akong naging pabaya sa sarili ko. Hindi lahat ng nag eenjoy ka e makakabubuti para sayo. Minsan kung ano yung pinaka ayaw na ayaw mong gawin yun pa yung tipong magbibigay sayo ng pangalan. Sa parehas na dahilan ng parang nagloloko ka at ang pangangatwiran mo ay marami pa naman bukas eh kaya enjoy muna. Oo, tama, marami ngang bukas na darating para sa atin pero marami ka rin palang kahapong sinayang.

Masasabi ko ngayon sa sarili ko na eto na ako, handa na akong harapin kung ano man ang magiging bukas na haharapin ko. Ang importante alam ko sa sarili ko na nasa tamang direksyon na ako. Magkamali man ako, alam ko pa rin bumalik sa umpisa.

At sana sa pagkakataong ito, nasa tamang landas nga ako. Basta ang iisipin ko ngayon, mayron akong Diyos na kasama palagi sa tabi at mga taong pinapahalagahan ako. Narealize ko na ang simula ng pagbabago ay dapat magmula sa sarili mo hindi dahil sabi sayo, kundi dahil kailangan mo. Maging masakit man ang lahat para sayo, isipin mo na lang na sa simula lang yan. Pagnasanay ka na sisiw na lang sayo yan at minsan baka nga tulugan mo pa.

Hindi naman sa nag reregret ako sa mga nangyari sa akin ng mga nakaraan, at para saan? ginawa ko yun, at kahit papaano meron akong natutunan sa mga kabalbalan ko sa buhay yun nga lang inabot ako ng ilang taon bago ko napagtanto yun. Di bale ang mahalaga, nagsisimula ka na, at hindi ka na pwedeng tapakan ng mga taong gumago sayo nung panahong pinupuri puri mo sila. Mas masasabi ko ngayon na hindi na ako kasing uto uto nung una nyo akong nakilala.

GCJR