Mga Kwentong Pagibig at Kamote

Lahat naman ng tao dumadaaan sa masayang pagibig at sa panget na pagibig. Pag naranasan mo parehas yan, masasabi mong maswerte ka kasi kaya mong itimbang kung ano ang gusto mong mangyari sa buhay ng pagibig mo.

Gusto ko lang i share sa inyo ang mga dinanas ko sa larangan ng salitang "PAGIBIG" hindi para iparating sa lahat kung gaano ako ka ampalaya sa mga naging karanasan ko kundi para i share kung paano nga ba ako bumangon mula sa pagiging engot ko sa salitang yan. OO tama ka, naging biktima rin ako ng tangang pagmamahal.

Nung una akong nagmahal ng bongga, college pa lang ako nun, me nakilala ako sa MIRC. Oo pare tama ka OLD SKUL na yun ngayon, pero dati wala pa yang YM YM na yan. Bigla lang ako nahiwagaan kasi parang ang saya saya makipag chat sa MIRC. Mga di mo kilala nakikipag gaguhan ka. ENNNNIIIWWEEEYSSS, sinubukan kong i broadcast ang PAGER ko hahahahaha. At meron naman nag bigay ng telephone number kaya ako naman tinawagan ko. Ganda ng boses, mukhang malambing, ayos to ah. Sinubukan kong makipag kita na kahit sobrang layo nya dahil sa Las Pinas pa sya na nakatira. At nung time na yun namamahalan na ako sa pamasahe dahil estudyante lang ako nun. Nagkita kami, at mas lalo akong nagka interes dahil me sense naman sya kausap. Hanggang sa na inlab ako sa kanya at naging kami naman. Pero parang ginago naman ako ng lintek na kapalaran, yun pala eh may bf si Gaga. At nung time na nalaman ko yun pokalakala malalim na pagkakainlab ko sa kanya. Hanggang sa nagdesisyon akong maghintay na lang sa kanya. Pero nabalewala yun, dahil next thing i knew, nakipag live in na sya sa bf nyang kamukha ni Rommel Adducul. hahahaha. Nalungkot ako sa mga nangyari at dahil nga sa kanya ko naranasan yung nagseryoso ako. Hayz buhey. Paano ko ba sya nakalimutan??? Wala isang araw nagising na lang ako ordinaryong araw na lang ang lahat. Inisip ko rin na ang tanga tanga ko kaya yun ang nagbigay ng dahilan para makalimutan ko si Las Pinas Girl.

Lumipas ang ilang taon, nakilala ko naman sa isang concert ang next girl na minahal ko rin ng bonggang bongga. This time double the katangahan ang ginawa ko.Me nangyaring di maganda sa gf ko, kung ano man yun wag nyo na alamin basta di maganda. At sa kabila ng nangyari sa kanya mahal na mahal ko pa rin sya na parang siya na lang ang buhay ko. At sa murang edad ko gusto ko syang pakasalan. Buti na lang talaga at matalino sya at di sya pumayag sa gusto kong mangyari. Siguro ngayon hirap ako buhayin sila kasi di naman ako stable during that time. Naka move on ako dahil pagkatapos ng mga tagpong yun, syang nawala na parang bula.

May pinakilala sa akin ang classmate ko nung college na kabarkada nya, tiga bulacan. That time me boyfriend sya pero nagkakalabuan na sila. Dahil sa type  ko sya, hindi na ako nag aksya ng panahong ligawan sya, kesehoda kung bagong break sila. Hindi naman nagtagal at sinagot naman nya ako. Tuwing weekend lang kami nagkikita kasi araw araw akong pumapasok sa work at Sundays ko lang sya makikita or kung di man pag lumuwas sya ng manila para mag apply ng work. After 6 months break na, kasi binawi na sya sa akin nung boyfriend nya, narealize ko sakit pala ng ganun. SHET!

Nakilala ko naman sya sa opisina nung nagtatrabaho pa ako yung sumunod na babaeng minahal ko nanaman ng bonggang bongga. This time triple the katangahan, triple the kabobohan. Although di ko rin masabi na talagang naging bobo ako, dahil minahal naman daw nya ako at umabot din kami ng isang taon at kalahati. Akala ng lahat kami na talaga ang magkakatuluyan dahil sweet kung sweet.Me mga times na nag aaway kami pero madali naman nasosolve kasi nga sweet kung sweet ang motto namin dalawa. Hanggang sa minsang mabato ako sa paglalaro ng Counter Strike with her, e naglaro naman ako ng online game. Medyo naadik ako kasi nga medyo cool sya. Inintroduce ko rin sa kanya yung laro, kasi nga sweet kung sweet. Naglalaro habang nag iibigan, kasi sweet kung sweet. ANNNYYWAYSSSSS... as time goes by medyo nakakasawa rin yung araw araw mo syang nilalaro kaya medyo nahinto ako at nag focus na lang ako sa mga bagay bagay na ikakasaya niya kasi nga gusto ko na rin malagay sa katahimikan that time. Hinayaan ko na lang sya maglaro ng maglaro, at ako naman hala hagod sa pagwowork. Di ko namalayan na me umaaligid na palang kansuswit sa kanya, at di nagtagal nagkadebelopan silang dalawa.Nagpatawad ako sa akalang, lalayuan na nya yung guy at pinagkatiwalaan pa rin.  Hanggang sa i break na nya ako, dahil sa mahal na mahal na nya pa rin si guy. Kaya nya pala ako pinili kasi AKALA NYA, mas mahal nya ako. Ako naman naniniwala sa "IF YOU REALLY LOVE SOMEONE SET HER FREE..." so i set her free, kaso as times goes by pasakit pala ng pasakit na araw araw mo syang makikitang nakangiti sa monitor kasi kausap nya ung guy tapos ako nagmamaktol sa inis.After three months or so, eto na binigyan na kami sa office ng invitation. Kasi ikakasal na sya.... naisip ko na SANA AKO YUN EH. Pero hinayaan ko na, kasi pagkatao ko na rin ang naapakan. Pride na lang ang natitira sa akin.

Makalipas lang ang ilang taon me nakilala nanaman ako na customer naman namin sa work na pinapasukan ko. Maputi, sexy, cute, batam bata, mabango lahat na ata nandun. Kakaiba to dahil lahat ng physical aspect na gusto ko sa girl e nasa kanya. Hindi naman kami nagtagal nito dahil ang pagibig namin ay nabuo lang sa "Subukan nga natin"... ang nangyari nga lang, inakala ko na sineryoso nya ako kaya naman sineryoso ko sya. Masakit ang pagkakabreak dahil halos 1 week namamaga ang kamay ko, gago rin kasi ako sinapak ko ba naman yung poste ng "NO PARKING" ayun. Isama ko na rin ang issue na may barkada syang EPAL!

NGAYON... at sa KASALUKUYAN.... nakilala ko naman ang tunay kong Pagibig na talaga naman na gusto ko na iuwi na sa bahay at wag ng pauwiin pa ng Laguna. Medyo may pagka mushy sya pero I can live with that. Siya na yata ang masasbi kong RARE FIND. Kasi wala ka ng makikitang mabait, maganda, maalalahanin at mapagmahal na girlfriend kundi sya. At alam kong di naman nya ako iiwanan. Ako lang minsan ay parang kamoteng nagpapaiyak sa kanya. Pero dun ko rin narealize na hindi ako kumpleto pag wala sya. NGAYON KO MASASABI NA.... SYA NA TALAGA....

Ano ang lesson dito???

Sa dinadami dami ng naranasan kong katangahan, hindi ko aakalain na way pala yun para malaman ko kung ano ba talaga ang gusto ko at sino ang gusto kong makasama habambuhay. Minsan kailangan mong maging tanga once in a while para masabi mong sya talaga gusto mo.

-JDB (jaycondabacon)

putograpes. - ang photo na walang photographer

gusto ko lang ipagmalaki na may photoblog na rin ako....

http://fotolouge.jp/jayconcepcion