Ampyness is in the Air PART 2 - Storya ng galit, iyak, asa, denial, at ampalayahan

Ang pag ibig ay punum puno ng ASA. ASA na magiging sila habambuhay kahit siya ay na-boo boogie nights (bugbog), ASA na magbabago sya kahit halos palitan na nya si Satanas sa kasamaan ng pag uugali. ASA na isang araw na sasabihin nya na mahal na mahal sya kahit walang sex na kapalit. at lahat ng ASA na hindi parang predictions ng PAGASA pagdating sa weather forecasting na madalas sablay. Lahat ng ito ay walang kinalaman sa blog ko, wala kasi akong maisip na introduction eh.

Ang buhay pag ibig na nauwi sa hindi magandang pagtatapos. Marami nito kung saan saan, mas madalas mo itong maririnig sa radio na may DJ na nambabastos ng callers na madalas kong marinig sa tuwing uuwi ako at babagtasin ang kahabaan ng EDSA. Sa anumang dahilan, eto yung madalas na stages na makikita sa pangkaraniwang pag ibig...


Stage 1 : GALIT - eto ang madalas na naguugat ng break up sa isang relasyon. Minsan sa mababaw na dahilan kagaya ng pagkurot sa itlog ng boyfriend, sa pagbibiro na mamatay na si girlfriend, sa pag bibiro na bakla si boyfriend o tomboy si girlfriend at marami pang shet na mababaw na dahilan. May mga malalim din na kagaya ng dahil sa hiwaga ng LANDI at LIBOG. At sa mga nabanggit ko, madalas mauwi sa isang away na parehas hindi magpapatalo. Sa bandang huli... BREAK NA.... wwwwwwwwwwweeeeeeeeeeeeh?

Stage 2 : IYAK - eto yung tinatawag na "Aftershock" ng away... madalas mong maririnig yung word na "I HATE __________ (Fill in the blanks)"... may konting sisi na nararamdaman sa loob, at poot na nararamdaman. Mas madalas mo itong makikita sa mga lugar na may mga kaalakan. Minsan kakanta ng mga paboritong lovesongs na kinakanta nila nung sila pa ay sweet sweetan. Tapos sabay babanat ang tropa ng... ALAK PA! habang ngumunguyngoy si broken hearted.

Stage 3: ASA - pagkatapos ilabas ang galit at poot, nalasing na, nagescandalo na, at lahat na ng kahihiyang pwedeng inabot mo sa pagdadalamhati sa sawing pagibig... eto na ang pinaka highlight ng lahat. ANG ASA... madalas yung iba dyan akala mo nag tetext yun pala may hinihintay na text. Ang iba minsan, magcocompose ng sorry text, pero dahil sa hiwaga ng "PRIDE" kaya yun nakalagay muna sa templates. At pag me nagtext akala mo bulateng nasabuyan ng asin, at madidismaya kung ang text sayo ay... "PLEASE PASS THIS MESSAGE TO YOUR 30 FRIENDS AND YOUR WISHES WILL COME TRUE" at dahil sa uto uto ka ipapasa mo nga naman ito, at sa bandang huli, naubusan ka na ng load, di mo pa naitext yung nasa template mong sorry message. May mga times din na pag nag ring ang telepono... tatakbo na yan na mas mabilis pa kay Speedy Gonzales.

Stage 4: DENIAL - dahil sa hindi na nagparamdam ang ex. dumarating sa punto na yung sasabihin mong... "DI SYA KAWALAN" sabay tatawa ng "HAHAHAHAHAHA (Tawa ala Vickie Guerrero)"... pero deep inside isa syang malaking kawalan sayo. Dahil kahit anong nangyari, pag tinamaan ka ng lintek, sya pa rin ang pinaka mahiwaga sa puso mo kahit halos bugbugin ka na ng tropa mo sa katangahan mo. Again... DI KO SYA KAWALAN, SAYANG LANG ANG GANDA KO SA KANYA, DI NA SYA MAKAKAHANAP PA NG KASING SARAP KO... ohaaaa!

STAGE 5: AMPYNESS - pag sawa ka ng ideny sya, eto na ang panghihinayang, pagkadismaya, na sana ganito sana ganyan... mas masaya kayo siguro kung di kayo nag away. Tapos pag yung isa naka move on na at ikaw hindi pa rin.... MAGIGING PANGET SA PANINGIN MO YUNG PINALIT NYA SAYO... at syempre itatanong mo ito sa mga tropa mo, kunwari consultation... at ano pa ba ang sasabihin ng tropa mo? AY OO ANG LAKI NG GANDA MO DYAN GIRL! Kahit sa totoo lang na mukha ka lang kilikili nung pinalit nya.

Hayzzzzzzzzzzz.