Alam ko na medyo huli na ako in terms of everything. Alam ko wala akong nagawa nung mga oras na kailangan mo ng tulong. Ni hindi ko man lang naibigay ang pangako kong Wendy's burger. Umasa kasi ako na makikita pa kita uli na malakas, masaya at kung ano ano pa.Nawalan ako ng guts na dalawin ka kasi di ko kayang makita ang kalagayan mo, nung huli kitang makita halos nanlumo ako sa mga nakita ko. Alam ko na isa kang mabuting bespren, sa panahong ako ay hindi.
Sa panahong kinailangan mo ako, nawala ako na parang bula, naging busy ako sa mga bagay bagay. Nakalimutan ko na may kaibigan nga pala ako. Huli man ang lahat para sa akin na sabihin to, ngunit alam mo na ito ay mula pa sa dulo ng puso ko at galing ito sa Hypothalamus ko.... Namimiss na kita bespren.
Akusahan na ako ng kung ano ano, pero sa ating dalawa alam natin na ginagawa ko ito bilang pasasalamat sayo. Salamat sa mga panahong binigyan mo ng kahulugan ang pagkatao ko. Ginawa mo ispesyal ang pagkatao ko. Salamat sa pag iinsist na kamukha ko si Brendan Fraser hahahahaha. ay Brendan Eraser pala. Salamat sa pag share mo ng mga buhay pag ibig mo na ikinatutuwa ko ng lubos. Lumisan ka man ay naging masaya naman ang lovelife mo.
Ipagpatawad mo ang lahat ng mga nasabi ko, nagawa ko, at mga di ko nagawa para sayo.
Salamat bespren.
Beverly "Bevs" Baguinon
July 15, 1979 - March 30, 2010
"death ends a life, not a relationship"
0 Comments:
Post a Comment